HAYE AFSOS TU NA PEHCHANI ..(4)

KARARBALA SE LUTE LUTAAY HUEY TERE MEHMAAN AAYE HAI SHEERIN
APNA WADA NIBHANE NIZO PER KHUCH MUSALMAAN AAYE HAIN SHEERIN

GHAR SAJA APNA BE GHARO’N KE LEYE, CHADAREN LAKE DE SARON KE LEYE
SAR PE GHURBAT KI DHOOB ODHEY HUEY SAB PARESHAAN AAYE HAIN SHEERIN

EK KAATE SAR SE AARAHI THI SADA, TERE AAQA KE PAAS KUCH NA BACHA
KOI TOHFA NA LAAYE TERE LEYE HUM PASHEMAAN AAYE HAI N SHEERIN

TERA GHAR AUR KAHAN RASOOL KI AAL,KAR NABI ZADIYON KA ISTEQBAL
AAJ TERE GHARIB KHANE PER DEE’N KE SULTAN AAYE HAIN SHEERIN

WHO JO ATHAHRA SAAL KA SAR HAI, UMME LAILA KE LAAL KA SAR HAI
MAA KE HUMRAH KHOON ME GHAILTA’N MAA KE ARMAAN AAYE HAIN SHEERIN

SHEH KA GHUNCHA DAHEN BHI AAYA HAI,QASIM E GUL BADAN BHI AAYA HAI
DEKH APNE LAHOO ME DOOB E HUEY KITNE QURAAN AAYE HAIN SHEERIN

SAATH ABBAS E NAAMDAR BHI HAI,TERE AAQA KE JAANISAR BHI HAI
RAAH TAKTI THI JINKI KHUWABO’N ME LE WOH INSAAN AAYE HAIN SHEERIN

KYA KAHE DASTAN E BARBADI, RO KE KAHTI THI HAR NABI ZADI
KHOKE APNA MUSAFERAT ME SABHI SAZO SAMAAN AAYE HAIN SHEERIN

HAI KAHAN AB DIL E BATOOL KO CHAIN, LUT GAYI RAN ME KAIYENAAT E HUSSAIN
BANN KE SAJJAD APNE BABA KE MARSIYA KHUWAAN AAYE HAIN SHEERIN

DIL LARAZTA HAI AAMIR O AKHTAR,JAB YEH KAHTI ‘N THI ZAINAB E MUZTAR
BE RIDAYI ME SHAHRE KHUFA KE RASTE CHAAN AAYE HAIN SHEERIN