Nabiyo ka nigehbaa'n hai jo waliyo ka wali hai
wo mera ali mera ali mera ali hai

Jisse mere sarkaar ki, sarkaar chali hai..(2)
wo mera ali...
Nabiyo ka nigehbaa'n hai jo...

1. Ye jab bhi the jab khilqate adam bhi nahi thi
hadd ye hai ki buniyade do aalam bhi nahi thi
jiske liye qur'an me lafz e azali hai

2. Yu hi nahi aate hai malak karne gadaayi
thokar me zamana hai to mutthi me khudai
taqdeer e ataa jiski kaneezi me pali hai

3. Jis rang ki baatein ho usi rang me dekho
hai marde khuda kaun kisi jang me dekho
toofan ke seene pa bhi jo shamma jali hai

4. Jab hogaye napaak badan rooh se mehroom
tab marhab o antar ko haqeeqat hui maloom
wo jiski nazar qehre ilahi me dhali hai

5. Nayaab wazifa hai ye fariyad nahi hai
juzz nade ali koi sabaq yaad nahi hai
jannat se hasee'n jiske dularo'n ki gali hai
wo mera ali mera ali mera ali haii....