kaise ghazi ke sar ko aye qaraar
baab sa'at hai aur zainab hai

khune dil ro raha hai ek bimaar
baab-e-sa'at hai aur zainab hai

1) ja'an se rote huwe guzar jaye
ghairaton se kahin na mar jaye
charo janib hai majmaye aghiyaar

2) hai har ek simt aina bandi
sar jhukaye khadi hai binte ali
kis qadar hai ye marhala dushwar

3) kitni bebas hai binte shahe hejaz
bahre imdaad kis ko de awaaz
qatl maqtal me ho gaye ansaar

4) be redai ka gham hai aur ye sitam
dekhti hai'n nigahe na mahram
kya kare binte haidar e karrar

5) qatle sarwar pe dekhti hai khushi
gham zada hai batool ki beti
hai aya'n rukh se maut ke asaar

6) hai pase pusht dono hath bandhe
kaise chehra bachaye zakhmon se
pattharon ki hai har taraf bauchaar

7) dil pa chalta hai zulm ka khanjar
yaad aati hai ghurbate madar
jane wali hai ab sare darbaar

8) dil pa sadma hay be ridayi ka
aur gham hay ghareeb bhai ka
khwahar e shah hay bekaso lachaar

9) kaise likkhun mai dastan e malal
dil phata ja raha hay mir hilal
gham zada dil hay aur qalam ghamkhar